Watu Wasiojulikana Wajitokeza Hadharani

Afisa Usalama Kumtisha Zitto Kabwe Ni Mwanzo Tu wa Yajayo

Jan 21, 2019

Je upo kwenye mitandao ya kijamii mingapi? Mie nipo sehemu nyingi lakini ninayoitembelea kila siku (kutoka naotembelea sana to ninaotembelea sio sana) ni Twitter, Insta, Facebook, Jamii Forums, Reddit na Medium. Nipo pia huko LinkedIn, Pinterest, Google+, Blogger, Wordpress, nk japo siendi huko kila siku.

Kwanini Twitter sana? Kwa sababu mtandao huo wa kijamii ni kama chombo cha habari. Na watu mbalimbali wamekuwa wakiutumia kutoa matamko/taarifa mbalimbali.

Na Ijumaa Januari 18, kupitia mtandao huo wa kijamii, Kiongozi Mkuu wa Chadema cha ACT-Wazalendo Zitto Kabwe alitwiti kwamba ametishiwa maisha na Afisa Usalama wa Taifa akiwa Bungeni Dodoma.

Zitto Kabwe Ruyagwa @zittokabwe

Leo mchana nimetishiwa kuuwawa na Afisa Usalama wa Taifa hapa Bungeni ukumbi wa Msekwa mara baada ya Mwenyekiti wa Kamati kuniondoa kikaoni Kwa kuwa sio mjumbe ( kinyume na kanuni za Bunge ). Afisa huyo alinifuata nje na kuniambia ‘ dawa yako wewe ni kukuua’. #BungeMfukoni

Zitto Kabwe Ruyagwa @zittokabwe

Hakika nilikasirika sana na nikamwambia yeye na hao waliomtuma ni wapumbavu watakufa wao kwanza. Kama si Mbunge David Silinde kutokea ninaamini jambo baya lingetokea. Nimeandika Barua kwa Spika kutoa malalamiko rasmi ya Tabia za watumishi wa TISS kuwatisha Wabunge

Zitto Kabwe Ruyagwa @zittokabwe

Serikali imejaza maafisa wa TISS hapa Bungeni kutisha Wabunge wasiwe huru kufanya kazi zao. Nimeambiwa kuwa mbunge @ZubbySakuru pia kakumbana na kadhia hii ya kutishwa ndani ya ukumbi Kamati Zikiendelea. Bunge la Wananchi limetiwa mfukoni na Serikali ( executive) #BungeMfukoni

Zitto Kabwe Ruyagwa @zittokabwe

Nimemwambia huyo kijana wa Usalama akome kunifuatilia na kunitisha na aache upumbavu kwani mimi siwaogopi.

Zitto Kabwe Ruyagwa @zittokabwe

Kama anayejiita Afisa Usalama wa Taifa ananitishia maisha mbunge ndani ya viwanja vya Bunge tena kwa kunifuata nje baada ya kutii amri ya kutoka kwenye Kikao na kinyume cha sheria, tunaposema TISS Ndio wamempiga risasi Lissu wanakataaje? Tumekuwa United Republic of Gangsters

Zitto Kabwe Ruyagwa @zittokabwe

Spika anaacha watu wa usalama wa Taifa wanazagaa Bungeni. Sasa wanatisha Wabunge. Hadhi ya Bunge ipo wapi? Uhuru wa Bunge Upo wapi? Usalama wa wabunge guaranteed by Katiba na sheria ya Haki, Kinga na Madaraka ya Bunge upo wapi? Wakati wa Msekwa, Sitta na Makinda haikuwa hivi. BAD

Zitto Kabwe Ruyagwa @zittokabwe

Barua yangu kwa Spika wa Bunge kulalamika kuhusu kutishiwa na anayejiita Afisa Usalama wa Taifa ndani ya Viwanja vya Bunge, ukumbi wa Msekwa. Nimeiwasilisha leo ili hatua zichukuliwe

BERNARD K. MEMBE @BenMembe

Kitendo alichofanyiwa Mhe. Zitto Z. Kabwe leo Bungeni na Afisa wa TISS, ni cha uadui, ni cha hatari na cha aibu kwa Idara ya Usalama wa Taifa. Adhabu ya kufanya fujo Bungeni haiwezi kuwa kifo na haiwezi kutolewa na TISS. Mamlaka husika imtumbue haraka!

Unaweza kudhani hizi ni porojo tu za kisiasa. Hapana. Baadhi yetu tumeshwahi kukumbana na kadhia kama hizi, si mara moja, au mara mbili, bali mara kadhaa kwa miaka kadhaa. Na waweza kupuuzia kuwa “hawawezi kunifanya lolote” kisha “ukapotezwa” kama Ben Saanane. Au wakataka kukuua kama Tundu Lissu. Au wakakubambikia kesi kama Sugu, na sasa Mbowe na Matiko.

Waweza kujidanganya kuwa “mie nani hasa mpaka hao mbwa wa Usalama wa Taifa wanitishie uhai?” Ukweli mchungu ni kwamba, kama wanaweza kumtishia Mbunge kama Zitto ambaye ni sio tu ni mwanasiasa mwenye jina kubwa bali pia ni Kiongozi Mkuu wa chama cha ACT-Wazalendo, wewe mwenzangu na mimi ni nani hasa usibughudhiwe?

Hoja yangu hapa ni kwamba, kama wanaweza kufanya hivyo kwa mtu muhimu kama huyo, kwanini washindwe kufanya hivyo kwako?

Ndio hivyo tena, hatimaye “Watu Wasiojulikana” wamejitokeza hadharani. Ama kwa hakika yajayo yanatafakarisha.

Tukutane wiki ijayo.

Take care!

Evarist

Nilikuwa nimemaliza kuandika barua hii kwenu lakini kabla sijaituma kwako, nikakumbana na kituko cha karne. Kituko hiki kitabaki kwenye historia ya taifa letu MILELE.