#UziwaTwita Kuikaribisha Julai Na Neno Kuhusu #Uchaguzi2020

Evarist Chahali

Jul 2, 2020

Kwanza, nina furaha kuwajulisha kuhusu ujio wa jarida la mtandaoni la JASUSI ambalo litajikita zaidi kuhusu masuala ya intelijensia. Vilevile litagusia masuala ya usalama wako mtandaoni na kukufundisha mbinu mbalimbali za kuwa salama. Kupitia jarida hilo natarajia pia kuendesha kozi ya awali ya udukuzi wa kimaadili. Nitawaletea maelezo zaidi hivi punde.

Awali niliomba maoni huko Twitter kuhusu jina la tovuti itakayobeba jarida hilo.

Evarist Chahali @Chahali

Nawashukuru nyote 106 mlioshiriki. Ushauri wenu kuwa aidha "ujasusi dot com" au "intelijensia dot com" na kidogo "lolote linafaa" utazingatiwa. Nitawapa mrejesho. Endelea kufuatilia alama ya reli #KwaMtazamoWako

Evarist Chahali @Chahali

#KwaMtazamoWako: Ungekuwa unataka kuanzisha chapisho (gazeti/kijarida/makala mfululizo aka series, nk) linalohusu masuala ya ushushushu/ujasusi/intelijensia ungependelea jina la tovuti husika liwe lipi kati ya haya matatu?

Pia nina furaha kuwafahamisha kuwa vitabu vyangu sasa vinauzwa kwa SHILINGI YA TANZANIA badala ya awali ambapo bei ilikuwa kwenye paundi ya Uingereza.

Anza Julai hii vema kwa kijipatia kopi yako HAPA

Niende kwenye #UziWaTwita. Bingirika nao hapa

Evarist Chahali @Chahali

#UziwaTwita wa kwanza kwa mwezi huu "mpya" wa Julai.

Evarist Chahali @Chahali

Happy July everyone

Evarist Chahali @Chahali

Nina ishu mbili tatu za kuongelea. Moja ni kutanabaisha kuwa kila siku naitupia jicho kalenda yangu. Na leo asubuhi imeniambia kuwa tumesalia na takriban miezi mitatu hivi kabla ya #uchaguzi2020. Japo ni mapema kutoa hukumu, maandalizi ya vyama vya upinzani hayaleti matumaini

Evarist Chahali @Chahali

Kwa mtazamo wangu unaoweza kuwa sio sahihi, ili kuing'oa CCM kunahitajika mikakati mizito na endelevu, na si kukurupuka miezi michache kabla ya uchaguzi. Wapinzani wanapaswa kujua kuwa CCM wana advantage ya "miundombinu ya kisiasa" inayostawishwa na "miundombinu ya kiserikali."

Evarist Chahali @Chahali

Wakuu wa mikoa, wakuu wa wilaya na viongozi wengine wa serikali katika ngazi mbalimbali ni makada wa CCM, na shughuli mbalimbali za kiserikali ni sehemu ya kampeni kwa ajili ya chama hicho. Hivyo ni wazi kwa upinzani kusubiri kipyenga cha kampeni kuanza rasmi wanachelewa

Evarist Chahali @Chahali

Kuna ishu ya #TumeHuru. Hii iliongelewa sana na vyama vya upinzani huko nyuma. Cha ajabu, miezi mitatu kabla ya uchaguzi, hakuna chama chochote kinachoongelea suala hilo. Unfortunately, wapinzani watapoteza tu muda wao kushiriki uchaguzi huo bila Tume Huru

Evarist Chahali @Chahali

Kilichifanyika kwenye uchaguzi wa serikali za mitaa sio tu kitajirudia kwenye uchaguzi mkuu bali kitakuwa kibaya zaidi. Ifahamike tu kwa mara ya kwanza katika historia ya Tanzania, mwaka huu uchaguzi mkuu upo mikononi mwa Idara ya Usalama wa Taifa.

Evarist Chahali @Chahali

Hawa wahuni wamekabidhiwa jukumu la kuhakikisha sio tu @MagufuliJP anashinda kwa kishindo bali pia kuahakikisha @ChademaTz haipati mbunge hata mmoja huku @ACTwazalendo ikilengwa kuhujumiwa Bara kwa vile ina msingi imara huko Zanzibar. Wenye masikio na wasikie

Evarist Chahali @Chahali

Otherwise, kwa upande wangu, kuelekea #uchaguzi2020 nitajibidiisha kufanya chambuzi za matukio mbalimbali yatakayojitokeza kabla ya the big day. Kadhalika nitafanya "ubashiri" katika "nani ataibuka kidedea" huko @ChademaTz na CCM Zanzibar. Endelea kutembelea ukurasa huu

Evarist Chahali @Chahali

Panapo majaliwa natarajia pia kuchapisha kitabu kama hiki pichani kwa minajili ya kuweka kumbukumbu kwa ajili ya vizazi vijavyo japo ni Watanzania wachache wenye muda wa kusoma vitabu vya siasa.

Evarist Chahali @Chahali

Nimalizie kwa matangazo mawili. La kwanza ni kuukaribisha utembelee duka la mtandaoni la vitabu vyangu bit.ly/DukaLaChahali na ujipatie kopi yako/zako

Vitabu Vya ChahaliDuka la mtandaoni la vitabu vya kielektroniki vya Evarist Chahalibit.ly

Evarist Chahali @Chahali

Na tangazo la pili ni kuhusu kampuni ya usadi ya @AdelPhilConsult ambayo Julai hii itaanza kutoa huduma za #UsalamaWaMtandaoni (Cybersecurity) ikiwa ni pamoja "penetration testing" yaani uhakiki wa usalama wa miundombinu ya kompyuta kwa watu binafsi na taasisi

Evarist Chahali @Chahali

Je akaunti zako mtandaoni - baruapepe, mitandao ya kijamii, nk - ni salama kiasi gani? Njia rahisi ni kumkabidhi mdukuzi wa kimaadili jukumu la kuhakiki kiwango cha usalama, ambapo "atashambulia" katiia namna ileile mdukuzi mhalifu angefanya. Maelezo zaidi yatafuata baadaye

Evarist Chahali @Chahali

Kwa vile inatarajiwa kuwa mtandao utakuwa jukwaa muhimu la kampeni za #uchaguzi2020, huduma za @AdelPhilConsult zinaweza kuwa mkombozi kwa wengi, vyama vya siasa, wanasiasa binafsi, nk.

Evarist Chahali @Chahali

That's all for now. Again, Julai njema. Good evening!

Ndimi jasusi wako,

Evarist Chahali

Top New Community

No posts

#nojs-banner { position: fixed; bottom: 0; left: 0; padding: 16px 16px 16px 32px; width: 100%; box-sizing: border-box; background: red; color: white; font-family: -apple-system, "Segoe UI", Roboto, Helvetica, Arial, sans-serif, "Apple Color Emoji", "Segoe UI Emoji", "Segoe UI Symbol"; font-size: 13px; line-height: 13px; } #nojs-banner a { color: inherit; text-decoration: underline; } This site requires JavaScript to run correctly. Please turn on JavaScript or unblock scripts