Mada inayotawala mijadala ya vyama vikuu vya upinzani nchini Tanzania, Chadema na ACT-Wazalendo, ni suala la katiba mpya na tume huru ya uchaguzi.

Kwa kifupi, msimamo wa Chadema ni kuanza na kudai katiba mpya kisha ndio ufuate mchakato wa kupata tume huru ya uchaguzi. Kwa upande wao, ACT-Wazalendo wanataka tume huru kwanza.

Makala hii fupi haitogusia sababu zinazotolewa na vyama hivyo ila kwa kifupi tu, ACT-Wazalendo hawasemi kuwa katika kudai tume huru ya uchaguzi, mchakato wa kudai katiba mpya usitishwe. Hapana, wanataka madai hayo yaende pamoja lakini ni wazi kuwa tume ya uchaguzi ni rahisi zaidi kupatikana mapema kuliko katiba mpya.

Apparently juzi kulikuwa na majadiliano huko Clubhouse, na inaelezwa kuwa kuliko na debate kati ya Mheshimiwa Zitto Kabwe, kiongozi mkuu wa ACT-Wazalendo, na Mheshimiwa Tundu Lissu, makamu mwenyekiti wa Chadema Taifa.

Na matokeo yake ndio haya

Ansbert Ngurumo @ngurumo

Sasa hivi Clubhouse. Baada ya hoja nzito za kihistoria, Lissu amlegeza Zitto. Amshawishi akubaliane na wazo la kuanza na katiba, mengine baadaye. Zitto ajibu: "Tunakubaliana. Tuanze na mchakato wa Katiba Mpya."

March 15th 2022

124 Retweets1,098 Likes

Zitto MwamiRuyagwa Kabwe @zittokabwe

@ngurumo @ACTwazalendo hatujawahi kusema kuwa mchakato wa Katiba usianze. Lakini tunajua kuwa ni mchakato ambao utachukua muda mrefu, hivyo “Mchakato wa #KatibaMpya uanze Wakati tunafanya mabadiliko ya Kisheria kupata #TumeHuru ya Uchaguzi”. Tume Huru itatupa Katiba bora.

March 16th 2022

20 Retweets68 Likes

Zitto MwamiRuyagwa Kabwe @zittokabwe

@ngurumo Ni vizuri kuandika kwa ukamilifu nilichosema badala ya kuandika kwa mtazamo wako. Vinginevyo mijadala inakuwa haina maana. Nimesema “tunakubaliana. Mchakato wa #KatibaMpya uanze Wakati tunafanya mabadiliko ya Kisheria kupata Tume huru ya Uchaguzi”. Huo Ndio msimamo wetu Siku zote

March 16th 2022

20 Retweets152 Likes

Binafsi sikuelewa mantiki ya Mheshimiwa Zitto kwenda huko kwenye “Clubhouse ya Chadema.” Sikuelewa kwa sababu naamini anafahamu fika kuwa hakuna chochote atakachofanya ambacho wana-Chadema watakipokea kwa mtazamo chanya.

Lakini kubwa zaidi ni kwamba msimamo wa AC-Wazalendo unafahamika, kama ambavyo wa Chadema unafahamika. Sasa sijui hayo majadiliano yalitarajiwa kuwa na tija gani lakini ni wazi kuwa hakukuwa na uwezekano wowote wa hoja za Mheshimiwa Zitto kusikilizwa na Chadema.

Na tatizo sio tofauti za kiitikadi bali chuki binafsi. Na hili Mheshimiwa Zitto analifahamu sana

Jasusi @Chahali

That aside, japo naheshimu busara za @ACTwazalendo "kuafikiana" na @ChademaTz kuhusu michakato ya tume huru na katiba mpya, ukweli ni kwamba ACT wanapoteza muda wao. Tatizo kati ya vyama hivyo viwili si la kisiasa bali CHUKI BINAFSI. Na huwezi kuafikiana na anayekuchukia. Period!

Jasusi @Chahali

Both @ChademaTz na @ACTwazalendo mnapaswa kutambua kuwa KATIBA MPYA na TUME HURU ni kwa ajili ya Watanzania wote na si vyama vyenu pekee. Mnapaswa KUAFIKIANA NA WATANZANIA kuhusu kipi kianze kati ya tume huru na katiba mpya. Vinginevyo mtaishia kulumbana hadi kuwakera Watanzania

March 16th 2022

3 Retweets19 Likes

Japo ingependeza kuona vyama hivi viwili vikishirikiana katika ajenda hizo mbili muhimu, na hata nyinginezo, ukweli mchungu ni ni kwamba hilo haliwezekani katika mazingira ya sasa.

Binafsi nadhani moja ya changamoto kubwa katika kukua kwa ACT-Wazalendo ni kitu Waingereza wanaita “playing second fiddle” kwa Chadema. Pengine nia yao ni nzuri, kwa mfano hiyo ya kuhudhuria Clubhouse ya Chadema, lakini sidhani kama kulikuwa na haja hiyo kwani nina hakika kuwa chama hicho kinafahamu fika kuwa pindi kikifanya Twitter Space or Clubhouse, hakuna kiongozi wa Chadema atakayehudhuria.

Chadema wana mentality kuwa wao ndio chama pekee “muhimu” miongoni mwa vyama vya upinzani. Japo ni kweli kuwa chama hicho kilizaliwa miaka kadhaa kabla ya ACT-Wazalendo, umri sio kigezo muhimu sana kwenye kupima ufanisi wa chama cha siasa. CCM imezaliwa zamani zaidi ya both Chadema na ACT-Wazalendo, lakini sote tunajua “ufanisi” wa chama hicho tawala ulivyo na mushkeli.

Kwa mazingira yaliyopo, inabidi tu kila chama “kucheza mechi zake” kwa maana ya kwamba kila mmoja ahangaike na ajenda yake badala ya kujaribu kutafuta muafaka.

Kwa upande mwingine, ni muhimu kwa vyama hivyo viwili kutambua kuwa suala la Katiba mpya na tume huru ya uchaguzi linawahusu Watanzania wote, na sio la wanasiasa na/au vyama vyao.

Jasusi @Chahali

Both @ChademaTz na @ACTwazalendo mnapaswa kutambua kuwa KATIBA MPYA na TUME HURU ni kwa ajili ya Watanzania wote na si vyama vyenu pekee. Mnapaswa KUAFIKIANA NA WATANZANIA kuhusu kipi kianze kati ya tume huru na katiba mpya. Vinginevyo mtaishia kulumbana hadi kuwakera Watanzania

March 16th 2022

3 Retweets16 Likes

Japo vyama hivyo ni vya Watanzania pia, lakini vinawakilisha idadi ndogo tu ya Watanzania zaidi ya milioni 60.

Hata hivyo, nilivutiwa na uamuzi wa ACT-Wazalendo kulipeleka suala la tume huru ya uchaguzi kwa wananchi. Hii sio tu itawasaidia wananchi kupata uelewa mkubwa zaidi kuhusu suala hilo bali pia itawafanya kuwa nao wajiskie kuwa sehemu ya mchakato huo kutokana na ushirikishwaji umma unaopangwa kufanywa na chama hicho.

I hope Chadema nao watajifunza kwa wenzao hao, na kujaribu kupanua ajenda ya katiba mpya kutoka kuwa ajenda yao kama chama na kuwa ajenda ya Watanzania wote. Hii pia itasaidia kuondoa kitu Waingereza wanaita “echo chamber” yaani “mnaongea na kusikilizana wenyewe” kitu ambacho kinakwaza upatikanaji wa mawazo mbadala au yaliyo bora zaidi.

Nihitimishe kwa kutanabaisha kuwa mie ni jasusi, sio mwanasiasa. Na japo nazielewa siasa za Tanzania “kinyumenyume” siwezi kufikia hata chembe uwezo wa majabali wa siasa kama Mheshimiwa Zitto na Mheshimiwa Lissu.

Alhamisi njema