Mkasa wa Kweli Kuhusu ANNA CHAPMAN, Mhalaki wa Kirusi Aliyetumia Urembo Wake Kuficha Kazi Yake Halisi ya Ujasusi
Katika mwaka wa 2010, dunia iliguswa na hadithi ya msichana mmoja mzuri wa mrembo kwelikweli, ambaye alitumia urembo kama “cover” (kifuniko) kilichoficha kazi yake halisi ya ujasusi! Hii ni simulizi ya kweli kuhusu jasusi wa Urusi, Anna Chapman!
Asili Yake
Alizaliwa Anna Vasilyevna Kushchenko mwaka wa 1982, katika mji wa Volgograd, Urusi. Baba yake, Vasily Kushchenko, alikuwa mtu mwenye wadhifa mkubwa kidiplomasia, na alikuwa na uhusiano wa karibu sana na shirika la ujasusi la Urusi zama hizo KGB!
Elimu ya Siri na Maandalizi ya Ujasusi
Anna hakuwa msichana wa kawaida! Alikwenda chuo kikuu cha Moscow State University, akasoma uchumi, akapata shahada ya uzamili kwa heshima za juu. Lakini nyuma ya vitabu vyake, alikuwa akijifunza mambo mengine - mambo ya mazito sana!
Baadaye akahamia London, Uingereza, akajiingiza katika biashara za majengo (real estate) ambayo sio tu ilimwezesha kuficha ujasusi wake kirahisi bali pia ilimkutanisha na watu wengi muhimu!
Maisha ya Ujasusi Jijini New York
Mwaka wa 2009, Anna akafika New York. Akaanzisha kampuni yake ya PropertyFinder Ltd., akajitanabaisha kama mwenye ujuzi mkubwa wa biashara ya majengo. Lakini kama ilivyokuwa London, hii pia ilikuwa ni uongo!
Anna alikuwa sehemu ya mpango wa siri wa Urusi uliojulikana kama "Illegals Program" - mtandao wa majasusi walijioficha nchini Marekani wakilitumikia shirika la ujasusi la Urusi SVR.
Mbinu Mahiri za Kijasusi
Jasusi huyo alitumia mbinu mbalimbali
Katika migahawa, alitumia kompyuta yake kuunda mitandao ya siri wa watu wa kumpatia taarifa za kijasusi.
Alifunga ujumbe wa siri ndani ya picha na mafaili ya kawaida (steganography)
Alitumia wino wa kijasusi (invisible ink)
Anna alikuwa mrembo haswa, na alitumia urembo huo kujenga mahusiano na watu muhimu kwenye jamii.
Mtego wa FBI na Kushikwa
Kwa miaka kadhaa, shirika la ushushushu wa ndani nchini Marekani FBI lilikuwa likimfuatilia Anna katika operesheni maalum iliyojulikana kama "Operation Ghost Stories."
Siku ya siku, FBI wakatuma mtu mmoja ambaye alijionyesha kuwa ofisa wa ubalozi wa Urusi. Akampa Anna pasipoti ya bandia ya Marekani na kusema: "Hii peleka kwa majasusi wenzako!"
Lakini hii ilikuwa ni mtego! Na kama jasusi mahiri, Anna alibaini kuwa siri yake imevuja.
Simu ya Mwisho - Dalili za Hatari
Anna, akihisi hatari, akawapigia simu baba yake na maafisa wengine wa SVR Moscow:
Anna: "Baba, nimepata shida kubwa hapa..."
Baba: "Mwanangu, acha kila kitu, rudi nyumbani haraka!"
Anna akafanya kitu kisichoweza kuaminika - akaishuka kwenye kituo cha polisi New York akatoa pasipoti hiyo ya bandia!
Lakini ilikuwa ni kuchelewa! FBI walikuwa tayari wamemzunguka. Alishikwa!
Kubadilishana kwa Wafungwa na Kurudi Urusi
Kesi Kubwa ya Mahakamani
Tarehe 27 Juni 2010, Anna pamoja na majasusi wengine tisa wa Urusi walishikwa kwa pamoja! Tukio hilo lilisisimua kona mbalimbali za dunia kwa sababu katika miaka ya karibuni hakukuwahi kutokea mkasa mzito kama huo!
Walipofikishwa mahakamani, majasusi wote wakakubali makosa yao. Walikuwa na uhakika kuwa wasingekaa jela mudamrefu kutokana na uuhimu wao kwa Urusi. Kwa kawaida, endapo jasusi muhimu atakamatwa, nchi yake itafanya kila iwezalo kumuokoa.
Na ndivyo ilivyokuwa kwa Anna na wenzake. Urusi iliingia makubaliano na Marekani kubadilishana wafungwa, na Anna na wenzake wakaweza kuondoka Marekani kurudi Urusi ambako walipokelewa kishujaa.
Maisha Mapya Urusi
Baada ya kurudi Urusi, Anna hakuvunjika! Aliamua kuchukua maisha mapya:
Akaanza kuonekana kwenye vipindi vya televisheni
Akashiriki katika baraza la vijana la kisiasa
Akafanya kazi ya umodo.
Akawa mtangazaji maarufu!
Kwa kifupi, Urusi ilimpokea Anna kama shujaa. Alikuwa ni kama James Bond wa kike, lakini sio kwenye filamu bali katika maisha halisi.
Sababu za Anna Chapman Bado Kutusisimua
1. Uzuri na Ujanja
Anna hakuwa jasusi wa kawaida - alikuwa mahiri haswa! Nywele nyekundu, uso mzuri, mavazi ya kifahari - alitumia kila kitu kama silaha ya ujasusi!
2. Maisha ya Hatari
Alishi maisha ya hatari kila siku - kucheza mchezo wa kifo, kubadilishana ujumbe kwa njia za siri,nk. Ni kama mtu aliyecheza na moto bila kuungua…japo hatimaye mchezo wake ulifikia ukingoni.
3. Hadithi ya Kweli
Hii si hadithi ya riwaya - ni jambo la kweli! Jasusi wa kweli, aliyeishi miongoni wa watu, akifanya kazi za siri kwa kutumia kazi halali.
Hadithi Isiyosahaulika
Hadithi ya Anna Chapman ni kama filamu ya kutisha - lakini ni ya kweli! Msichana mzuri, mjanja, aliyetumia kila kitu - uzuri, akili, mahusiano - kama silaha za ujasusi!
Leo, Anna yu hai, anaishi Urusi, na bado ni maarufu. Lakini swali kubwa ni: Je, anajisikia mwema kwa yale aliyofanya? Au ni hadithi ya mtu aliyejipatia uhuru baada ya kuachiliwa?
Hadithi hii inatuonyesha kwamba dunia ya ujasusi haiko katika vitabu na sinema tu - iko karibu nasi kuliko tunavyofikiri!
Una maoni gani kuhusu simulizi hii ya kweli kuhusu jasusi Anna Chapman?
MENGINEYO
