Muda ni ghali. Na hakuna uwezekano wa kufidia muda uliopotea. Leo, Jumatano ya Januari 19, 2022 ni “muujiza ambao kamwe hautojirudia.” Siku hii. Dakika hii. Saa hii. Wiki hii. Mwezi huu. Mwaka huu. Kamwe vitu hivi havitojirudia.

Yes, mwakani kutakuwa na Januari 19 kama leo lakini haitokuwa mwaka 2022 bali 2023. Kesho kutakuwa na asubuhi, mchana, jioni na usiku kama leo, lakini kesho ni tarehe 20, sio 19 ya leo.

Na wiki ijayo kutakuwa na Jumatano kama leo, lakini itakuwa tarehe 26, sio 19 ya leo.

Enewei, twende kwa “majambazi 7” wanaowinda kupora muda wako, na ni lazima uwatimue haraka sana.

1. Ubuyu

2. Tamaa ya kupata kila kitu hata vile usivyohitaji

3. Kujutia makosa ambayo sio tu yameshapita lakini huwezi kuyarekebisha

4. Kuhangaika kulaumu watu ambao sio tu hawasikii lawama zako lakini haikusaidii hata wangesikia lawama zako

5. Kuendekeza siasa: ndio siasa ni sehemu ya maisha yetu lakini kushinda kutwa nzima unahangaika na Katiba Mpya au sijui Kazi Iendelee ilhali wanasiasa wanaendelea na maisha yao na wewe kada unatoka povu mtandaoni, ni ujambazi dhidi ya muda wako na amani yako.

6. Mitazamo ya watu wengine: huwezi kulazimisha dunia nzima iwe na mtazamo unaofanana na wako. In fact, huwezi kumlazimisha japo mtu mmoja awe na msimamo unaoshabihiana na wako. Kwahiyo usiruhusu tofauti za kimtazamo ziibe muda au amani yako

7. Kuwa mtu bora: naam, mie kocha/jasusi/mtumishi wako nahangaika kuhakikisha unakuwa mtu bora. Lakini kama wanavyosema Waingereza kuwa “timilifu ni adui wa bora” (perfect is enemy of good), usiruhusu amani na furaha yako iwekwe rehani kwa vile tu hujawa mtu bora. Ifkoz mie sintochoka kukupatia mbinu mbalimbali lakini usiwe na presha kuhusu hilo.

Jumatano njema