Dkt Slaa aliyemlaumu Zitto kuongelea ufisadi uliotajwa kwenye ripoti ya CAG aumbuliwa na Kinana aliyesema Mama Samia awachukulie hatua waliotajwa kwenye ripoti hiyo.
Hadi hivi karibuni, nilikuwa nikimchukulia Dokta Wilbrord Slaa, Katibu Mkuu wa zamani wa Chadema na balozi wa zamani wa Tanzania nchini Sweden, kuwa mmoja ya Watanzania wazalendo kupita maelezo.
Na nilikuwa na sababu za msingi za kumchukulia hivyo. Miaka kadhaa huko nyuma, yeye Dokta Slaa, Mheshimiwa Zitto Kabwe na Mheshimiwa Freeman Mbowe waliunda “timu” ambayo binafsi hupendelea kuiita “utatu mtakatifu” ambao haukuwahi kutokea kabla na sidhani kama utatokea tena huko mbeleni.
Kwa pamoja wanasiasa hao waliweza kufukua skandali lukuki za ufisadi zilizokuwa zikiiandama serikali ya Rais Jakaya Kikwete, ambayo nayo inaweza kuingia kwenye rekodi kama “the most corrupt ever.”
Chadema hii ya leo ambayo inaendeshwa kwa rimoti na “wanaharakati wa mtandaoni” haiwezi kulinganishwa na hiyo iliyokuwa na “utatu mtakatifu” wa wanasiasa hao. Kilichowawezesha kuibuka skandali mbalimbali ni imani waliyokuwa nayo Watanzania wengi kwa wanasiasa hao na Chadema kwa ujumla.
Zama hizo, baadhi ya maafisa wa Idara ya Usalama wa Taifa walikuwa tayari kuweka rehani ajira na uhai wao kwa kuwapatia wanasiasa hao taarifa mbalimbali muhimu ambazo kimsingi ndizo zilizowawezesha kuibua skandali mbalimbali za ufisadi.
Ukiwa na wasaa fanya ku-Google “kashfa ya Kagoda”, “kashfa ya Buzwagi”, “kashfa ya Richmond”, “kashfa ya Tangold”, “kashfa ya EPA”, “kashfa ya import support”, “kashfa ya Kiwira” “kashfa ya Tulawaka” “kashfa ya Tegeta Escrow”, nk. Hii nchi imepigwa sana, na baadhi yetu katika kujaribu kuwa upande wa haki, tukaishia kukumbwa na matatizo makubwa.
Hatimaye Chadema walimfukuza Mheshimiwa Zitto, na baadaye Dokta Slaa alijiondoa kwenye chama hicho kufatia ujio wa Lowassa kutoka CCM. Mheshimiwa Mbowe ameendelea kuwa Mwenyekiti wa Taifa wa chama hicho hadi muda huu.
Tofauti ya wazi kati ya Chadema ya wakati huo na hii ya sasa ni AJENDA. Ajenda kuu ya chama hicho ilikuwa vita dhidi ya ufisadi. Na vita hiyo iliwagharimu wanasiasa kadhaa ikiwa ni pamoja na Lowassa aliyelazimika kujiuzulu Uwaziri Mkuu Februari 2008 kufuatia kashfa ya Richmond iliyoibuliwa na Chadema.
Fast-foward miaka kadhaa baadaye, Dokta Slaa alikumbukwa na marehemu Magufuli, akapewa ubalozi wa Sweden. Si kwamba Magufuli alifahamu uzalendo wa Dokta Slaa bali alimuona kama mmoja wa Watanzania “hatari” wanaopaswa kuwa upande wake. Baada ya kuzawadiwa ubalozi, nae akalazimika kuwa “muimba ngonjera za kumsifu Magufuli.”
Katika kundi la mabalozi waliondolewa baada ya Mama Samia kuingia madarakani ni pamoja na Dokta Slaa. Na tangu arudi kutoka Sweden amekuwa mmoja wa watetezi wa “legacy ya Magufuli.” Hilo si osa. Ni haki yake ya kikatiba. Afterall, ana deni la fadhila kwa “Mwendazake.”
Long story short, jana Dokta Slaa aliongea kitu cha ajabu sana.
Kwa vile Mheshimiwa Zitto alirushiwa lawama za Dokta Slaa, akalazimika kumjibu
Jamii Forums @JamiiForums
DKT. SLAA: CAG AMELETA TAHARUKI, RIPOTI INAPOTOSHWA Asema, yeye na Zitto walishiriki kutunga Sheria ya Ukaguzi wa Fedha (2009), Sheria hiyo inaeleza baada ya CAG kukabidhi ripoti kwa Rais na Bungeni, hatakiwi kuichambua kiundani hadharani Soma - https://t.co/k5rIFivuW0 #JFLeo https://t.co/jvY8nSQ8DJBahati nzuri, baadaye, Makamu Mwenyekiti wa CCM, Mheshimiwa Abdulrahman Kinana, aliongelea pia suala hilo la ripoti ya CAG, na katika kile kinachoweza kutafsiriwa kama “kumuumbua Dokta Slaa” anayetaka ripoti hiyo isijadiliwe, alitoa rai kwa Mama Samia kuchukua hatua dhidi ya waliotajwa kwenye ripoti hiyo.
MwanaHALISI Digital @Mwanahalisitz
KINANA AMTWISHA MZIGO RAIS SAMIA, ATAKA WALIOTAJWA KWENYE RIPOTI YA CAG ... https://t.co/XCzjzXl4eX https://t.co/U6tamzExugJasusi anadhani tatizo linalomkabili Dokta Slaa kwa sasa ni “kuongea mno” japo hiyo ni haki yake ya kikatiba. Wanasiasa makini huongea pale tu inapobidi.
Zitto MwamiRuyagwa Kabwe @zittokabwe
CAG kasema TZS 196 Bilioni za Wananchi wa Mamlaka za Serikali za Mitaa zinazozunguka Bwawa la Umeme la Nyerere hazijatolewa, haijulikani zipo wapi na Mkandarasi kalipwa Fedha zake.Unasubiri PAC ujadili hili?Yeye Slaa Enzi zake Slaa kweli angesubiri na Fedha za Wananchi kupotea? https://t.co/SAbXSicDMjLakini pia Dokta Slaa ni miongoni mwa wanasiasa “wenye nafasi ngumu.” Kama mmoja wa “watu wa Magufuli,” analazimika kutetea “legacy ya Magufuli” ambayo ni wazi imechafuka si kidogo kutokana na ripoti ya CAG ya mwaka huu na ya mwaka jana ambazo zote zimeonyesha kuwa kulikuwa na ufisadi wa kutisha japo “Mwendazake” aliwaaminisha Watanzania kuwa amedhibiti ufisadi.
Kwa upande mwingine, Dokta Slaa huenda anaongea “kama msemaji wa serikali” ili asikike kwa mamlaka za teuzi” na pengine akaambuliwa kiji-wadhifa flani. Ndio Tanzania yetu ilivyo. Nyingi ya kelele unazozisikia ni za maslahi binafsi zaidi kuliko maslahi ya umma…including “kelele za katiba mpya.”
Alhamisi njema, na Ramadhan kareem kwa ndugu zangu Waislamu.