Mama Samia alipokuja hapa Uingereza kwa ajili ya mazishi ya Malkia Elizabeti wa Pili, Jasusi alitwiti

𝐉𝐚𝐬𝐮𝐬𝐢 @Chahali

Mama @SuluhuSamia yupo hapa UK kwa mazishi ya Malkia kesho. Unfortunately kila ujio wa kiongozi wa kitaifa huku unamaanisha "sie wawindwaji" kuwa makini zaidi kwani kuna wahuni hutumia ujio huo "kutekeleza hujuma zilizoshindikana huko nyuma." Ninachukua tahadhari za ziada 😔

September 18th 2022

7 Retweets31 Likes

Wakati Jasusi anaandika twiti hiyo hakujua kuwa alichotahadharisha ndicho kilichotokea. Katika msafara huo, Idara ya Usalama wa Taifa ilichomeka maafisa wake watatu - wawili wanaume na mmoja mwanamke.

Maafisa hao wamebaki hapa Uingereza baada ya Mama Samia kuondoka na kuelekea Msumbiji kwa ziara ya siku tatu.

Maafisa hao ambao majina yanahifadhiwa (angalau kwa muda huu) wamebaki kwa ajili ya “shughuli maalumu” ambayo tayari “wameanza kuhangaika nayo.”

Hata hivyo, Mama Samia sio tu hakuwa na taarifa kwamba miongoni mwa maafisa wa Idara ya Usalama wa Taifa waliokuwemo kwenye msafara wake kulikuwa na hao watatu waliokuwa wakija huku kwa ajili ya “shughuli maalumu” bali pia hajaridhia “shughuli” iliyowaleta watu hao.

Kwa mujibu wa taratibu, “shughuli” husika huhitaji kibali cha Rais ambaye kimsingi ndio mkuu wa Idara ya Usalama wa Taifa, aka “sponsor” kwa lugha ya kishushushu.

Jasusi anafahamu kuwa mpango huo umeratibiwa na Nzowa, mtu ambaye Februari 2013 aliandaa “shughuli” kama hii ya sasa, akatuma watu wake hapa UK lakini wakafeli baada ya taasisi za usalama hapa kuwashtukia na kuwadhibiti.

Tafsiri pana ya tukio hili ni kwamba tunarudishwa zama za Magufuli, japo tofauti hapa ni kwamba Magufuli alikuwa anaridhia mipango kama huu wa hao wahuni, ilhali Mama Samia “anarukwa” kutokana na uwepo wa baadhi ya watu ambao wangependa kuona Tanzania ikiendeleza “hujuma dhidi ya raia wake” ndani na nje ya nchi.

Lakini haya si ya kushangaza sana kwa sababu kwa kiasi kikubwa Mama Samia ameamua kuacha uongozi wa Idara ya Usalama wa Taifa uwe kama ulivyokuwa zama za Magufuli ambapo taasisi hiyo iligeuka kuwa mithili ya genge la uhalifu.

Japo kiongozi huyo mkuu wa nchi aliwaondoa baadhi ya watendaji waandamizi wa taasisi hiyo, ambapo miongoni mwao ni waliotunukiwa ubalozi, lakini kuna idadi kubwa tu ya waliosalia ambao bado wanajibidiisha kumalizia “assignments” za enzi za Magufuli. Kibaya zaidi, baadhi ya mabalozi hao wanaendesha “operesheni” zao huku ughaibuni.

Barua Ya Chahali

Dear Mama @SuluhuSamia, mabalozi hawa wawili wanakuhujumu

Inatanabaishwa kuwa moja ya dhambi kuu kwenye taaluma ya intelijensia ni kushindwa kutahadharisha. Hii inachangiwa na ukweli kwamba taaluma hiyo inatarajiwa zaidi kubaini matishio ya kiusalama kabla hayajasababisha madhara. Makala hii ya kiintelijensia inaeleza kuhusu hujuma za mabalozi wawili wa Tanzania wanavyomhujumu Rais Samia Suluhu pamoja na Tanzania kwa ujumla…

Read more

4 months ago · 1 like · Evarist Chahali

Hata hivyo, ni muhimu kutambua kuwa sio heshima wala uungwana kumpangia Rais nini cha kufanya.

Kadhalika, taasisi ya urais ni kubwa, na huenda kuwabakisha hao waliobaki hadi muda huu ni sehemu ya mikakati ya taasisi hiyo ya Urais kuondokana na taswira mbaya iliyojengeka katika utawala uliopita, zama za “kikosi-kazi” cha Bashite, zama za “Watu Wasiojulikana.”

Mwisho, Jasusi anawatakia kila la heri hao maafisa waliokuja kwa “shughuli maalum,” ila watambue tu kuwa uwepo wao hapa UK unafahamika.

Jumma Mubarak!

Share