Bashite Kupigwa Marufuku Marekani, Mlengwa Ni Baba Yake (Magufuli)

Kuna Dalili Japo Kiduchu Za Shinikizo Kutoka Nje Dhidi Ya Utawala Wa Kidikteta Wa Magufuli

Feb 1, 2020

Jana ilikuwa siku ya mwisho wa mwezi Januari, mwazi wa kwanza kwa mwaka huu 2020, ambao kwa Watanzania una umuhimu wa kipekee. Oktoba - miezi minane tu kutoka sasa - Watanzania watakuwa na fursa adimu dhidi ya kumhukumu Rais Magufuli na utawala wake wa kidikteta.

Na jana itabaki kwenye kumbukumbu za Watanzania wengi baada ya serikali ya Marekani kutangaza kwamba inamzuwia Daudi Albert Bashite kuingia nchini humo.

Secretary Pompeo @SecPompeo

Today we designated Dar es Salaam Regional Commissioner Paul Christian Makonda as ineligible to enter the U.S. for his involvement in gross violations of #humanrights. We are deeply concerned over deteriorating respect for human rights and rule of law in #Tanzania.

Kama lugha haipandi, alichoandika Waziri wa Mambe ya Nje wa Marekani, Mike Pompeo, ni hiki,

Leo tunamtangaza Mkuu wa Mkoa wa Dar es Salaam Paul Christian Makonda kuwa haruhusiwi kuingia Marekani kutokana na kujihusisha kwake na ukiukwaji wa hali ya juu wa haki za binadamu. Tunatatizwa sana na kuzorota kwa heshima kwa haki za binadamu na utawala wa sheria nchini Tanzania.

Kabla ya kwenda mbali nakuomba urudie kusoma mstari unasema “kujihusisha kwake na ukiukwaji wa hali ya juu wa haki za binadamu.” Je ni matukio gani yaliyopelekea Wamarekani kuhitimisha hivyo?

Evarist Chahali @Chahali

Last but not least, hii ni Pandora box inafunguliwa. Na ninahisi "Jiwe anawindwa kiaina." Hiyo "gross violation of human rights" yaweza kabisa kuhusisha kupotea kwa Ben Saanane +Azory, jaribio la kumuua Lissu lakini my 2 cent is in #MKIRU.

Plus One @DenyooEazy

@Chahali Yule mama hakuwa lofa kutoka ofisini kwenda kwa kuitembelea familia ya Azory tena mvua ikiwa inamyeshea anakanyaga mawe na tofali kuutafuta mlango wa kuingia ndani.

Anachoongelea mdau ni hiki👇

Mwananchi Newspapers @MwananchiNews

Balozi Marekani amtembelea mke wa Azory Gwanda

Balozi Marekani amtembelea mke wa Azory GwandaDar es Salaam. Kaimu Balozi wa Marekani nchini Tanzania, Dk Inmi Patterson amemtembelea Anna Pinoni ambaye ni mke wa mwandishi wa habari wa kujitegemea wa kampuni ya Mwananchi Communication Limitedbit.ly

Binafsi nimeshasikia mara kadhaa kuhusu unyama wa Bashite. Miongoni mwa taarifa nilizonazo ni kwamba amewatupa jela mamia kama si maelfu ya watu kwa sababu tu ya chuki zake za kipumbavu. Kadhalika, inaelezwa kuwa Bashite anahusika na “kupotea” kwa watu kadhaa. Sambamba na hilo, yaaminika kuwa mwanasiasa huyo kipenzi cha Rais Magufuli - licha ya kufoji jina na cheti cha kidato cha nne - ndiye mwasisi na kiongozi mkuu wa #WatuWasiojulikana, genge la kiharamia ambalo limewafanya Watanzania kuishia kwa roho juu katika muda wote wa utawala wa Rais Magufuli.

Lakini huhitaji kuwa na uelewa kuhusu uendeshwaji wa nchi kubaini kwamba hakuna jambo linalofanywa naBashite bila ridhaa ya “baba yake,” yaani Rais Magufuli. Kwa mantiki hiyo, hukumu ya Wamarekani dhidi ya Bashite kwamba anajihusisha na ukiukwaji wa hali ya juu wa haki za binadamu ni hukumu kwa Rais Magufuli maana sote twajua kuwa sio tu ndiye anayempa jeuri “mwanae” Bashite, bali pia ndiye anayempa maagizo.

Isingewezekana kwa Marekani kumwekea zuio Rais Magufuli lakini wamemgusa kwa kumwadhibi mwanae kipenzi. Na ndio maana hisia zangu za kijasusi zinaniambia kuna uwezekano wa Rais Magufuli kulipa kisasi

Evarist Chahali @Chahali

Gut instincts tell me Bashite atamjaza upepo baba yake wafanye retaliation. Jiwe akilogwa kufuata ushauri huo wa his empty brain son, mabeberu "watakula kichwa chake" pia

Unaweza kujiuliza “kwani kumzuwia Bashite kwenda Marekani kuna athari gani kwake?”

Evarist Chahali @Chahali

Waweza kusema "kwani Bashite kuzuiwa kuingia Marekani itamwathiri vipi wakati anaendelea kutanua Tz?" Think again. Kuna vitu viwili nitaeleza kwa kifupi

Evarist Chahali @Chahali

Kwanza, ego ya Bashite ni kubwa kuliko Mlima Kilimanjaro. Hii aibu ya kimataifa inaweza kumfanya ajitoe uhai

Evarist Chahali @Chahali

Sambamba na hilo, Bashite is used to always having stuff his way. Kwamba leo apangiwe na mabeberu asiende sehemu flani inakinzana na his sense of entitlement

Evarist Chahali @Chahali

La pili ni "hatari" zaidi. Si ajabu baadhi ya nchi washirika wa Marekani wakam-blacklist Bashite. Hili lina implication pana zaidi. Nitafafanua wakati mwingine

Evarist Chahali @Chahali

Lakini hatua hiyo ya Wamarekani inaweza kuwa mwendelezo wa dalili za matumaini adimu kuhusu uwezekano wa Rais Magufuli kung’olewa madarakani (kwa njia halali, ofkoz).

Evarist Chahali @Chahali

Kwa mbali naanza kuona uwezekano wa "foreign pressure" kuwezesha kung'oka kwa Jiwe. Hiyo Bashite kuliwa kichwa ni trela tu, muvi kamili ni hapo mabeberu watapoamua kula kichwa cha babake Bashite, Dr Evil.

Na “loba” hiyo ya Wamarekani dhidi ya Bashite imekuja siku moja tu baada ya Rais Magufuli “kupewa za uso” na Benki yaDunia iliyoamua kuzuwia mkopo wa dola za kimarekani milioni 500, zuio lililotokana na kelele za baadhi ya Watanzania kwa taasisi hiyo ya kimataifa ya fedha, kuhusu usikukwaji mkubwa wa haki za binadamu hukumfano rahisi ukiwa kauli ya Rais Magufuli kuzuwia wanafunzi wa kike wanaopata ujauzito wasiendelee na masomo.

Tanzania Daima @tanzaniadaimatz

Benki ya Dunia imeahirisha kuidhinisha mkopo wa Dola za Marekani Millioni 500(sawa na Sh.Trillioni moja)kwa Serikali ya Tanzania zilizokuwa zikilenga miradi mbalimbali ya elimu ikiwamo kusaidia wanafunzi waliopata ujauzito wakiwa shuleni kuendelea na masomo. Soma TanzaniaDaima.

Awali “mzee wa mipasho” alishaanza kuleta ngebe

Dar24 @Dar24News

“Makamu wa Rais wa Benki ya Dunia alikuja hapa mwaka jana, kwahiyo wanatoa pesa wakijua sisi Tanzania tuna misimamo gani na tunafanya nini, hao wengine ni wapiga kelele tu, wala msiwajibu kwasababu watu wa namna hiyo hawaishi duniani”-@magufuli

Nimeshawahi kuandika mara kadhaa huko nyuma kuwa forces mbili muhimu zinazoweza kuleta mabadiliko kusudiwa - kwa mfano kumng’oa Magufuli kwa njia halali - ni viongozi wa dini na nchi/taasisi wahisani.

Unfortunately viongozi wetu wengi wa dini “wameshanunuliwa” Sauti pekee ni za akina Baba Askofu Dkt Bagonza na wengine wachache.

Kuhusu nchi/taasisi wahisani, hawa wanaweza kuwa na mchango mkubwa katika kusaka mabadiliko kusudiwa.

Nihitimishe uchambuzi huu kwa kurudia kutamka kuwa mwezi Januari umeisha vyema sana kwa habari za Wamarekani kupiga loba Bashite, tukio ambalo sie wengine tunaona kuwa mlengwa ni Magufuli mwenyewe na Bashite ni kisingizio tu.

Uchambuzi huu ni endelevu. Nitaandika tena kutapojitokeza mrejesho mpya.

Nawataki wikiendi njema

Ndimi mtumishi wako,

Evarist Chahali

Barua Ya Chahali

Bashite Kupigwa Marufuku Marekani, Mlengwa Ni Baba Yake (Magufuli)

Kuna Dalili Japo Kiduchu Za Shinikizo Kutoka Nje Dhidi Ya Utawala Wa Kidikteta Wa Magufuli

Ready for more?